السلام عليكم
صباح الخير
جمعة مباركة عليكم ان شاء الله
الحمدالله وصلت بوظبي بعد رحلة شاقة إلى مملكة البحرين هالساعه اللي في الطيارة سيرة و ردة طلعوها من عينا
الله يسامح مطار البحرين دائما مسافرين الإتحاد الاماراتية منبوذين نروح للطيارة بالباص اخر المطار و نتريا العفش اخر الناس
ليش انا ماعرف ليش هالمعاملة
و اثناء عودتنا تم تاخيرنا ساعتين و نصف الطيارة بدون موقف و الطيارة ماعندها بوابة
انا و زملائي اصبنا بإحباط حتى لو مشي بس نبا نرد بوظبي
ورشة العمل كانت مفيدة جدا و هذا الاهم لأننا اكتسبنا خبرة من دول الخليج واليمن
كنا نبدأ الثامنة بتوقيت البحرين الى الساعة 4 الرابعه عصرا
في الريجنسي الجو كان حلو و بارد فليل
الحمدالله اني شفت ربعي البحرينيين و تمشينا في السيف
اشكر صديقي عبدالقادر و صديقي وليد
والله العظيم انهم ماقصروا فيني من المطار و الى المطار وصلوني
الشيف كل يوم مطيحين فيه و مجمع العالي
في السيف لازم نتيلس في كوستا مع انهم مايحبونه بس لسواد عيني قعدوا هم يحبون ستار بكس
بس وليدوووه عزمني على مقهى البنديرة الصراحه مارتحت فيه
شو اسوي الريال خرمان شيشة
صارت لي عدة مواقف في البحرين بس ماقدر أقولها
بس بنات البحرين يا حافظ علينا من خزهم
المهم رديت البلاد
رديت لمعشوقتي ابوظبي
والله ادري اني سافرت في ايام العيد الوطني
بس لبلادي كل شي يهون
تحياتي القلبية
This entry was posted
on Friday, 7 December 2007
at 9:54 am
. You can follow any responses to this entry through the
comments feed
.
