أسبوع شاق جدا
احتاج لأن ارتاح و اغير جو في عطلتي الأسبوعية صحيح الاجازة الاسبوعية تغيرت و تغير معها كل شي الصراحة اخواننا الكوتيين معاهم حق يوم رفضوا تغيير الإجازة حلاته الخميس إجازة و قبل بداية الإسبوع يكون يوم الجمعة نتغدى مع الأهل بس احينه احسه صعبة لا غدا مع الاهل و لا شي ودك تطلع و تغير جو يوم الجمعية ويوم السبت تخلص أشغالك في البنوك او اذا كان عندك شغل في إمارة ثانية يعني الإجازة راحت عليك
و بعد إعصار جونو يعني بنتم إانطالع التلفزيزن لين مانطمن على إخواننا في باقي الامارات و ايضا إخواننا في سلطنة عمان الله يكون في عونهم ذكروني بالكوارث اللي نشوفها في امريكا و تايلاند و اندونيسيا احلى شي في الاعاصير اساميها جونو و تسونامي و تريزا و اليوم الشباب يتداولون النكت فيما بينهم جونو بيصير نونو
ماعلينا اليوم كان عندي شغل على كورنيش بوظبي الصراحة منظر و لا اروع منه بس صدق خذيت حمام سونا بالغترة و العقال أقول لربيعي الله يسامحك خربت كشختي قلت مابرد البيت بعد الدوام اود ان ارتشف كافيه لاتيه من لابريوش بس لازم اروح البيت عسب نكشخ مرة ثانية
يالله إجازة سعيدة للكل
دمتم بود
اهديكم هذي الاغنية
This entry was posted
on Thursday, 7 June 2007
at 12:39 pm
. You can follow any responses to this entry through the
comments feed
.
