صباح الخير
صباح أمطار الخير
الحمدالله الحمدالله على أمطار الخير
هذي الصورة اليوم الصبح و أنا رايح الدوام
أجواء ساحرة ماطرة في عاصمتنا الحبيبة بوظبي
البارحة كنت في دبي من الصبح لين المساء
كان في معرض في المركز التجاري
الصراحة كان يوم العالمي للحوادث
حوادث هبلة عبيطة و السبب السرعة و التهور
كل واحد يبا يسوي عمره بن سليم والله بن سليم برئ منهم
و المشكله كلهم من أصحاب السيارات الفارهة من مرسيدس الى بي إم دبليو
المشكله يوم الواحد يضرب بريك مرة وحدة
السيارة تشوح عليه يعني تفقد السيطرة و ادور عليه لين ما يدعم الرصيف او اي سيارة من حواليه
طبعا هذه الصورة من شارع الشيخ زايد في دبي أمسالله يسلمكم من الحوادث
على فكرة في دبي و الامارات الشمالية اليوم و باجر عطوهم اجازة لكل المدارس و اذا عرف السبب بطل العجب
وداعة الله
This entry was posted
on Wednesday 16 January 2008
at 8:33 am
. You can follow any responses to this entry through the
comments feed
.