WeekEnd سوالف  

Posted by Abdulla Al Ameri


السلام عليكم
صبحكم الله بالخير
شحالكم ان شاء الله بخير
من زمان ما خذيت و عطيت وياكم وحشتوني اشتقت لكم
بما ان اليوم الخميس افكر شو بسوي في الاجازة وين بروح كيف بقضيها بما ان الجو حلو و اوربي
بس للأسف معظم الشباب اللي اعرفهم مسافرين لاسباب عملية او دراسية
سبحان الله ارد البلاد هم يسافرون انا اسافر هم يردون
افكر اروح العين مدينة الجمال و الهدوء لانه فعلاً اريد قسطا من الراحة
مليت من الروتين اللي في بوظبي من البيت الى الدوام
و من البيت الى كوستا كافيه او الميلس
مليت من زحمة دبي و مولاتها
العين دار الزين
هي ملاذي لهذا الاسبوع
شو عنكم وين بتروحون ؟؟ شو مخططاتكم ؟
البارحة كنت مع صديقي العزيز بدر في ستار بكس كوفي صح اني ماحبه بس ربيعي عزم عليه انه نروح هناك قالي تعال معاي اليو ستار بكس يعلم انني من انصار كوستا كافيه
وكنا قاعدين على ناصية الشارع
الجو الصراحة حلو و الهواء كان بارد الصراحة
كنا نتبادل اطراف الحديث عن شؤون الحياة
بما انه يعمل في إحدى البنوك
يخبرني عن المراجعين الذين يتفاوتون عليه
ويخبرني بماذا يواجهونه من صعوبات لدى شرح الفوايد من قيمة القرض الذي يأخذه المستفيد من البنك
يقولي اول ما ياخذون القرض مستانسين و اخر وناسه
و بعد شهر بالضبط يرجع يقوله ابا أأجل قسط الشهر القادم
والله ضحكت
ويخبرني و اذا ما أجل القسط له
يطرش مسجات و ايملات انه البنك حرامي و ياخذ فوايد وايد
كله هذا بسبب عدم تاجيل القسط
يقولي في ناس ماشاء الله عليهم قمة في الاخلاق قمة في التعامل
و اخر شي يشوف انه انسان بسيط جدا يحمل شهادة الثانوية العامة و لكنه بأخلاقه يعادل من عنده دكتوراة
بدر صديقي من ايام الدراسة
الله يحفظه اكيد في وصل قطر ذهب لتعزية احد اقاربه في الدوحة الله يرحمه برحمته
بدر من النوع الهادئ و الاجتماعي استمتع بالخروج معه لانه سوالفه ماتنمل منها ابدا
اتمنى التوفيق له في حياته
همسة
إذا لم تجد من يسعدك فحاول أن تسعد نفسك .. وإذا لم تجد من يضيء لك قنديلاً .. فلا تبحث عن اخر أطفأه وإذا لم تجد من يغرس في أيامك ورده .. فلا تسع لمن غرس في قلبك سهماً ومضى

This entry was posted on Thursday 8 November 2007 at 9:19 am . You can follow any responses to this entry through the comments feed .

8 comments

العـــيـــن!!!

خاطري اسيرلها يمكن اخر مرة طبيتها كان في 94
اذكر حزتها كان المطر طايح في البلاد في الصيف وكان غزييير وعلى طول ويهنا صوووب العين تمينا كم يوم في شااليهات العين الفايضة


have a nice weekend bro

November 08, 2007 3:03 pm
Anonymous  

طولت يا بلاليط

قلنا ظروف .. بس ما قلنا غيب و انسى ربعك المدونيين : )

الصراحة أنا الحين يالسة في الحوي .. و أكتب .. الجو ترتيب عيمان خخخخ

مب بس الا آوروبي

يا حيك كان ساير العين .. الهدوء محتايين له هالايام : )

اجازة سعيدة يا اخوي .. و االله يرحم فقيد ربعيك

November 08, 2007 7:59 pm

يا هلا ويا مرحبا يسعدلي مساك عساك بخير اخ بلاليط


حياك الله وعوده حميده

وكل واحد وظروفه معذور ياخوي

November 09, 2007 11:27 pm

انا زيك

من انصار كوستا كوفي :D

<=اكثر شي عجبها في الموضوع من كثر ماتحبه ههههههههه

مره استمتعت بسوالفك

واحلى شي الهمسه الاخيره :)

November 10, 2007 4:10 pm
Anonymous  

أوووووووه العين دار الزين

والله من متى خاطري أسير العين ، بس ما أفكر أبدا أسير المبزرة في الإجازة لأنها زحمة
والعيد الماضي زحمة السيارات أكثر من 6 كيلو تخيل !!!!!

شكلي باخذ يوم إجازة وبسير في نص الأسبوع
وناسة

November 13, 2007 1:10 pm

اجازة سعيدة


استمتع كثر ما تقدر


همسة رائعه

November 14, 2007 12:41 am

:>

أهم شي

كوستا كوفي


وبالنسبة لربيعك بدر

الله يعينه على المراجعين

وخصوصا ان موظفين البنوك يعطون العميل كافة المعلومات
وبعدين
اييك العميل ويقول لك
ما فهمت
وليش ما ليش
وظيفته صعبة


والله يديم صداقتكم للأبد

:>

November 19, 2007 7:36 pm

تسلم عاليوميات أستاذي ..


حبيت الهمسه ... ويمكن أسرقها :)


لا هنت

November 22, 2007 9:51 am

Post a Comment